שמחת בית וויזניץ – ראחמיסטריווקא: היינט קומט פאר די שמחת החתונה פונעם חתן א זון פון הגה"צ ר' מענדיל האגער שליט"א, זון פון כ"ק אדמו"ר מוויזניץ שליט"א פון מאנטריאל, און איידעם ביי הגה"צ אבד"ק ראחמיסטריווקא מאנסי שליט"א, מיט די כלה א טאכטער פון הגה"צ ר' מרדכי פנחס טווערסקי שליט"א ראש ישיבת עסק התורה ראחמיסטריווקא, זון פון כ"ק אדמו"ר מראחמיסטריווקא שליט"א, און איידעם ביי כ"ק אדמו"ר מוויזניץ שליט"א פון קייאמישא. – די שמחת החתונה קומט פאר אין ביהמ"ד הגדול ראחמיסטריווקא אין בארא פארק.
היינט קומט פאר די שמחת החתונה פון א אור אייניקל ביי כ"ק אדמו"ר מספינקא אנטווערפן שליט"א, אייניקל פון זיין זון הגה"צ ר' נפתלי אלימלך כהנא שליט"א, די חתן א זון פון זיין איידעם הגה"צ ר' ישראל חיים קאהן שליט"א, זון פון הגה"צ ראש ישיבת תולדות אהרן שליט"א, מיט די כלה א טאכטער פון הגה"צ ר' מאיר יששכר ראזנער שליט"א, זון פון הגה"צ אבד"ק טערצאל שליט"א, און איידעם ביי הגה"צ אבד"ק פאפא ב"פ שליט"א. – די שמחת החתונה קומט פאר אין זאל תפארת רבקה אין בארא פארק.
היינט קומט פאר די שמחת החתונה פון א אייניקל ביי כ"ק הגה"צ גאב"ד טענקא שליט"א, די חתן א זון פון זיין זון הגה"צ ר' מרדכי פריעדמאן שליט"א רב ביהמ"ד יראי ה' אין קרית יואל, איידעם ביי הגה"צ ר' שמעון יואל וויינבערגער שליט"א גאב"ד וויטקא, מיט די כלה א טאכטער פון הגה"צ ר' יהושע העשיל ווייסמאנדל שליט"א, זון פון הגה"צ ר' אלי' יצחק ווייסמאנדל שליט"א מנייטרא, און איידעם ביי הגה"צ ר' זלמן לייב פילאפף שליט"א אבד"ק מכלל יופי וחבר ביד"ץ דקהל יטב לב ד'סאטמאר. – די שמחת החתונה קומט פאר אין זאל ויואל משה אין וויליאמסבורג.
שמחת בית תולדות אהרן – קרעטשניף טשערנאוויץ – סאווראן – ראדאמישלא: עס איז געשלאסן געווארן די שידוך פונעם חתן א זון פון כ"ק אדמו"ר מקרעטשניף טשערנאוויץ שליט"א, איידעם ביי כ"ק אדמו"ר מתולדות אהרן שליט"א, מיט די כלה א טאכטער פון כ"ק אדמו"ר מסאווראן ביתר שליט"א, איידעם ביי הגה"צ אבד"ק ראדאמישלא רמות שליט"א.
עס איז געשלאסן געווארן די שידוך פונעם חתן א זון פון הגה"צ ר' דוד אלי' לייפער שליט"א אבד"ק ווערדאן נדבורנא, מיט די כלה א טאכטער פון הגה"צ ר' יעקב יחזקי' סופר שליט"א, זון פון הגה"צ אבד"ק פאפא ירושלים שליט"א, און איידעם ביי הגה"צ ר' אברהם יונה שווארץ שליט"א גאב"ד וויען.
היינט נאכט געפאלט די יומא דהילולא קדישא פונעם הייליגן מאור עינים פון טשערנאביל זי"ע, די אייניקלעך כ"ק האדמורי"ם מסקווירא, ראחמיסטריווקא, און טשערנאביל שליט"א, וועלן אפרעכטן די יארצייט טישן ברוב עם.
כ"ק אדמו"ר מסקווירא שליט"א וועט אפרעכטן די הזכירו טיש אינאיינעם מיטן יערליכן מעמד סיום ספר הק' מאור עינים וואס ווערט געלערנט דורך אלפי חסידי סקווירא, אין ביהמ"ד הגדול אין שיכון סקווירא.
כ"ק אדמו"ר מביאלא שליט"א וועלכער איז אנגעקומען צוגאסט קיין ניו יארק, וועט היינט אנקומען קיין לעיקוואד פאר די קומענדיגע טעג, און זיך אויפהאלטן בבית האכסניא ביי הנגיד החסיד ר' ישראל אפרים פישל ציגעלהיים הי"ו.
כ"ק אדמו"ר מוויזניץ שליט"א פון בית שמש וועלכער איז צוגאסט די טעג אין ניו יארק לטובת מוסדותיו הקדושים, וועט היינט אנקומען קיין בארא פארק און אויפנעמען דעם ציבור אין וויזניצע בית המדרש אויף נוא יוטרעקט.
אריינצושיקן מודעות און נייעס, שיקט אן אימעיל צו NEWS@JDNMAIL.COM
