לרגל די הילולא קדישא פון כ"ק אדמו"ר הרה"ק רבי יענקעלע מפשעווארסק זצ"ל וואס געפאלט דעם שבת כ"ז חשון, וועט בנו ממלא מקומו כ"ק אדמו"ר מפשעווארסק שליט"א אפרעכטן דעם יארצייט טיש און סעודת מלוה מלכה מוצאי שבת קודש, אין ביהמ"ד הגדול פשעווארסק אין אנטווערפן, אינאיינעם מיטן יערליכע דינער לטובת כולל אהל יעקב פשעווארסק.
דעם מוצאי שבת קומט פאר די מעמד סיום מסכת בבא קמא והתחלת מסכת בבא מציעא, געלערנט געווארן דורך אלפי תלמידי וחסידי סאטמאר אין ראם פון חבורת יסודי התורה, אין וויליאמסבורג קומט פאר די מעמד הסיום אין די קאנטינענטאל זאל, אין שפיץ פון כ"ק אדמו"ר מסאטמאר שליט"א. אלס נואם הכבוד וועט אויפטרעטן הגה"צ ר' יעקב יוסף טווערסקי שליט"א בן כ"ק אדמו"ר מסקווירא שליט"א.
אין מאנסי קומט פאר די מעמד הסיום אין זאל פון וואלי טערעס. אין לאנדאן קומט פאר די מעמד הסיום אין די טערעס זאל.
דעם מוצאי שבת קומט פאר אין וויליאמסבורג די יערליכע דינער לטובת מוסדות וויזניץ אין מאנסי, אין זאל פון ויואל משה, אין שפיץ פון כ"ק האדמורי"ם מוויזניץ שליט"א פון מאנסי און וויליאמסבורג.
היינט קומט פאר די יערליכע מעמד סעודת הודאה רבתי אין ביהמ"ד קהל עדת גרינוויל אין דזשערזי סיטי, שטייענדיג ביים יארטאג פון די גרויסע נסים וואס האט פאסירט ביים שרעקליכן שיסעריי אטאקע זיבן יאר צוריק.
שמחת בית לעלוב: דעם מוצאי שבת קומט פאר די שמחת הפארשפיל און מעמד צאתכם לשלום אין ביהמ"ד הגדול לעלוב אין בית שמש, לכבודו פון כ"ק אדמו"ר מלעלוב שליט"א וועלכער לאזט זיך ארויס שפעט מוצאי שבת אונטערוועגנס קיין ניו יארק, לקראת די שמחת החתונה פון א אייניקל.
שמחת בית טשערנאביל – קאסאן: דעם מוצאי שבת קומט פאר די שמחת השבע ברכות פונעם חתן א זון פון הגה"צ ר' מנחם מענדיל פאנעט שליט"א, זון פון כ"ק אדמו"ר מדעעש ירושלים זצ"ל, און איידעם ביי הגה"צ אבד"ק פאפא ירושלים שליט"א, מיט די כלה א אור אייניקל פון כ"ק אדמו"ר מטשערנאביל שליט"א, אייניקל פון זיין איידעם הגה"צ ר' יעקב אלעזר ראטטענבערג שליט"א אדמו"ר מקאסאני ב"ב, א טאכטער פון זיין זון הגה"צ ר' ישראל צבי ראטטענבערג שליט"א, איידעם ביי כ"ק אדמו"ר מקאסאן לאנדאן שליט"א. – די שמחת השבע ברכות קומט פאר אין ביהמ"ד טשערנאביל אין לאנדאן.
אריינצושיקן מודעות און נייעס, שיקט אן אימעיל צו NEWS@JDNMAIL.COM
