שמחת בית בעלזא: היינט קומט פאר די שמחת הברית פון א אור אייניקל ביי כ"ק אדמו"ר מבעלזא שליט"א, עלטסטע בן זכר ביי נכדו הגדול הרה"ג ר' שלום רוקח שליט"א, עלטסטע זון פון בנו יחידו פון רבי'ן הגה"צ ר' אהרן מרדכי רוקח שליט"א, איידעם ביי כ"ק הגה"צ גאב"ד מאקאווא שליט"א, און איידעם ביי הגה"צ ר' יחיאל מאיר פאנעט שליט"א. – די שמחה קומט פאר אין ביהמ"ד הגדול אין קרית בעלזא ירושלים.

שמחת בית באבוב – ספינקא: היינט קומט פאר די שמחת החתונה פון א אייניקל ביי כ"ק אדמו"ר מבאבוב שליט"א, די כלה א טאכטער פון בנו הגדול הגה"צ ר' חיים שלום האלבערשטאם שליט"א, איידעם ביי הגה"צ גאב"ד סאטמאר ב"פ שליט"א, מיט די חתן א זון פון הגה"צ ר' אשר אנשיל מנחם זעלטענרייך שליט"א ראש ישיבת משנת חיים, זון פון הגה"צ אבד"ק טשאקאווא קערעסטיר שליט"א, און איידעם ביי כ"ק אדמו"ר מספינקא שליט"א. – די שמחת החתונה קומט פאר אין ביהמ"ד הגדול באבוב אין בארא פארק.

שמחת בית לעלוב – סערט וויזניץ ארה"ב: היינט קומט פאר די שמחת החתונה פונעם חתן א זון פון הגה"צ ר' יואל פישער שליט"א, זון פון הגה"צ ר' אלי' מרדכי פישער שליט"א ממאטערסדארף, און איידעם ביי הגה"צ אבד"ק וואלקאן שליט"א, מיט די כלה א טאכטער פון הגה"צ ר' ברוך שפיטץ שליט"א, זון פון כ"ק אדמו"ר מסערט וויזניץ ארה"ב שליט"א, און איידעם ביי כ"ק אדמו"ר מלעלוב שליט"א. – די שמחת החתונה קומט פאר אין די לעגאסי זאל אין בארא פארק.

שמחת בית סאטמאר: עס איז געשלאסן געווארן די שידוך פון א אייניקל ביי כ"ק אדמו"ר מסאטמאר שליט"א, די חתן א זון פון זיין איידעם הגה"צ ר' ברוך טייטלבוים שליט"א רב ביהמ"ד ברך משה אין קרית יואל, זון פון הגה"צ אבד"ק וואלאווע שליט"א, מיט די כלה א טאכטער פון הגה"צ ר' יואל מנחם שלמה אשכנזי שליט"א מאלעסק לינדען, איידעם ביי כ"ק אדמו"ר מספינקא ירושלים שליט"א.

עס איז געשלאסן געווארן די שידוך פונעם חתן א זון פון הרב יואל לויפער שליט"א, זון פון הגה"צ ר' אברהם לויפער שליט"א אבד"ק דאראג וומס"ב, און איידעם ביי הגה"צ ר' יוסף ברוך יאזעפאוויטש שליט"א אבד"ק צלותא דשלמה, מיט די כלה א טאכטער פון הרב צבי אלימלך פיש שליט"א, זון פון הגה"צ אבד"ק מאטע סאלקא שליט"א, און איידעם ביי הגה"צ אבד"ק וואדקערט שליט"א.

עס איז געשלאסן געווארן די שידוך פונעם חתן א זון פון הרה"ג ר' דוד קאליש שליט"א דומ"ץ דושינסקיא לאנדאן, איידעם ביי הגה"צ ר' שמעי' לעוו שליט"א דומ"ץ וראה"כ סאטמאר לאנדאן, מיט די כלה א טאכטער פון הרה"ג ר' מרדכי יעקב ברייש שליט"א, זון פון הגה"צ ר' אהרן ברייש שליט"א אבד"ק חלקת יעקב ב"ב, און איידעם ביי הגה"צ ר' יחזקאל שלאף שליט"א אבד"ק ביאלאווא לאנדאן.

שמחת בית וויזניץ - קאלוב: היינט קומט פאר די שמחת החתן מאהל פון א אייניקל ביי כ"ק אדמו"ר מוויזניץ שליט"א פון לאנדאן, איידעם ביי כ"ק אדמו"ר מקאלוב שליט"א, די חתן א זון פון זיין זון הגה"צ ר' לוי יצחק האגער שליט"א, איידעם ביי הגה"צ אבד"ק ראחמיסטריווקא מאנסי שליט"א, מיט די כלה א טאכטער פון הגה"צ ר' חיים מאיר האגער שליט"א, זון פון הגה"צ בעל אור שלום מוויזניץ זצ"ל, און איידעם ביי הגה"צ אבד"ק אוהעל מאנסי שליט"א. – די שמחת החתן מאהל קומט פאר אין ביהמ"ד הגדול וויזניץ אין מאנסי.

שמחת בית ראחמיסטריווקא – בארניב – בית אהרן: היינט קומט פאר די שמחת החתן מאהל פון א אייניקל ביי כ"ק אדמו"ר מראחמיסטריווקא שליט"א, די חתן א זון פון זיין איידעם הגה"צ ר' צבי אלימלך טייטלבוים שליט"א אבד"ק תפלה למשה סאטמאר ב"פ, זון פון הגה"צ ר' ליפא טייטלבוים שליט"א אבד"ק בית אהרן, מיט די כלה א טאכטער פון הגה"צ ר' יוחנן האלבערשטאם שליט"א, זון פון כ"ק אדמו"ר מבארניב שליט"א, און איידעם ביי זיין פעטער הגה"צ אבד"ק בית אהרן שליט"א. – די שמחת החתן מאהל קומט פאר אין ביהמ"ד הגדול ראחמיסטריווקא אין בארא פארק.

היינט קומט פאר די שמחת התנאים פונעם חתן א זון פון הגה"צ ר' ישראל משה מאשקאוויטש שליט"א ראש ישיבת אור משה מאנסי, איידעם ביי הגה"צ אבד"ק אבני שלמה זצ"ל, מיט די כלה א טאכטער פון הגה"צ ר' נחום שמשון מאיער שליט"א, זון פון הגה"צ ר' מנשה מאיער שליט"א גאב"ד גרינוויל, און איידעם ביי הגה"צ אבד"ק מאנטיוואדעיא שליט"א. – די שמחה קומט פאר אין ניקלשבורג זאל אין מאנסי.

כ"ק אדמו"ר ממאחנובקא בעלזא שליט"א קומט היינט אן צוגאסט קיין ניו יארק, לרגל די שמחת הברית בבית מקורבו הנגיד החסיד ר' חיים יצחק ענגלענדער הי"ו פון בארא פארק. דער רבי שליט"א וועט זיך אויפהאלטן די קומענדיגע טעג אין בארא פארק, און אויף שבת קודש וויילן אין שיכון סקווירא, בצל הקודש פון כ"ק אדמו"ר מסקווירא שליט"א.

כ"ק אדמו"ר מקארלין סטאלין שליט"א קומט היינט אן אויף א קורצע באזוך פון עטליכע טעג אין לאנדאן, צו באשיינען די שמחת החתונה בבית גיסו הגה"צ ר' יעקב ברוך לעדעררייך שליט"א אבד"ק קארלין סטאלין ב"פ, די אכסניא איז אין שטוב פון הנגיד החסיד ר' יעקב מאיר דרייפוס הי"ו.

כ"ק אדמו"ר ממשכנות הרועים שליט"א קומט היינט אן צוגאסט קיין מאנטשעסטער לרגל די שמחת החתונה פון א אייניקל, נאך שבת וועט דער רבי שליט"א פארזעצן די נסיעה קיין לאנדאן צו באשיינען נאך א חתונה במעון קדשו.

כ"ק אדמו"ר מלוצק שליט"א קומט היינט אן אויף א קורצע באזוך פון עטליכע טעג אין לאנדאן, צו באשיינען די שמחת החתונה בבית גיסו הגה"צ ר' יעקב ברוך לעדעררייך שליט"א אבד"ק קארלין סטאלין ב"פ.

כ"ק אדמו"ר מסטריקוב שליט"א וועלכער האט זיך אויפגעהאלטן די לעצטע וואך צייט אין טאראנטא לטובת מוסדותיו הקדושים, וועט היינט אנקומען אויף א קורצע באזוך פון צוויי טעג אין ניו יארק.

היינט קומט פאר אין קרית יואל די מעמד סיום מסכת בבא קמא והתחלת מסכת בבא מציעא, געלערנט געווארן דורך אלפי תלמידי וחסידי סאטמאר אין ראם פון חבורת יסודי התורה, עס קומט פאר אין זאל גינת קליין אין קרית יואל, אין שפיץ פון כ"ק אדמו"ר מסאטמאר שליט"א.

היינט קומט פאר א מעמד תפלת רבים באהל אדמור"י וויזניץ זצ"ל אין בני ברק, מעתיר צו זיין ביום המסוגל ערב ראש חודש כסלו, לרפואתו השלימה והמהירה פון כ"ק אדמו"ר מוויזניץ שליט"א, כ"ק מרן ישראל בן לאה אסתר לרפואה שלימה, יתחדש כנשר נעוריו בבריות גופא ונהורא מעליא.

היינט קומט פאר די מעמד הכנסת ספר תורה וואס ווערט אריינגעגעבן צום דאראגער בית המדרש אין עמנואל, נדבת הרב החסיד ר' יהודה אליהו בראנדוויין שליט"א מסטרעטין, אין שפיץ פון כ"ק אדמו"ר מדאראג שליט"א.

כ"ק אדמו"ר מפינסק קארלין שליט"א וועט היינט אויפדערנאכט אפרעכטן שולחנו הטהור לכבוד ראש חודש, אין ביהמ"ד פינסק קארלין אין רמה ב' בית שמש, אינאיינעם מיט די חסידים פון בית שמש אונטער דרייסיג יאר, און די חסידים וואס געבן איבער שעות צעטליך.

כ"ק אדמו"ר מקאמארנא שליט"א וועט היינט אויפדערנאכט אפרעכטן די יארצייט טיש לרגל די הילולא קדישא פון זקינו הרה"ק רבי אברהם מרדכי מקאמארנא זצ"ל, בבית מדרשו אין בית שמש.

כ"ק אדמו"ר מרימנוב שליט"א וועט היינט אויפדערנאכט אפרעכטן די יארצייט טיש לרגל די הילולא קדישא פונעם הייליגן רבי'ן ר' הערש פון רימנוב זי"ע, בבית מדרשו אין בארא פארק.

אריינצושיקן מודעות און נייעס, שיקט אן אימעיל צו NEWS@JDNMAIL.COM