א ביטערע טראגעדיע האט פאסירט היינט צופרי אין שטאט מאנסי, ווען א היימישע פרוי איז ליידער טראגישע אומגעקומען, נאך וואס זי איז געווארן אראפגעקלאפט דורך א באן אויף ניו קלארקסטאון ראוד, נעבן די פארנומענע מארקעטפלעיס און בינגא געשעפטן אין ספרינג וואלי.

די עקסידענט האט פאסירט ארום אכט אזייגער צופרי, ווען די קאר פון די פרוי איז געבליבן שטעקן אויף די באן שינעס, און זעענדיג א באן זיך דערנענטערן האט זי פרובירט אוועקצולויפן, אבער ליידער האט זי נישט עספיעט איידער די באן האט אריינגעקראכט אין איר קאר און איר שווער צודריקט.

פילע עמערדזשענסי אגענטורן זענען אנגעקומען אויפן סצענע, וואו עס איז ליידער באשטעטיגט געווארן איר טראגישע פטירה ה"י, מתעסקים און חסד של אמת זענען אלארמירט געווארן זיך אפצוגעבן מיט כבוד המת, און די גאס איז אפגעשלאסן פאר אויספארשונגען, ווען די אידישע וואלאונטירן ארבעטן העפטיג אויפצורייניגן די סצענע.

ויה"ר שלא ישמע עוד שוד ושבר בגבולינו, ושנשמע ונתבשר בשורות טובות.