כ"ק אדמו"ר מדושינסקיא שליט"א געפונט זיך אצינד אונטערוועגנס קיין ניו יארק, און וועט לאנדן בשערי העיר היינט צוועלף אזייגער אויפדערנאכט, אין בעפארברייטונג צום מעמד הקמת המציבה על קברו פונעם שווער כ"ק הגה"צ גאב"ד סיגעיט זצ"ל, וואס קומט פאר מארגן מאנטאג ערב ראש חודש אלול אויפן בית החיים אין ניו דזשערזי.
מארגן אינדערפרי וועט דער רבי זיך באטייליגן ביי די לוויה פון הרב החסיד ר' חיים רעכניצער ע"ה מחשובי חסידי דושינסקיא, וועלכער איז ל"ע פלוצלינג נפטר געווארן דעם מוצאי שבת אין בליענדן עלטער פון צוויי און פופציג יאר, איבערלאזנדיג א שטוב מיט קינדער בלי משען ומשענה, די לוויה קומט פאר ניין דרייסיג אינדערפרי ביי ביהמ"ד בית יוסף צבי דושינסקיא אין וויליאמסבורג.
דער רבי שליט"א וועט פארבלייבן אין ניו יארק פאר עטליכע טעג, אויפצוטרייבן גרעסערע סכומים למען החזקת מוסדותיו הקדושים בארץ הקודש.
