אין ווייטערדיגע נייעס ארום די גזירת החינוך איז היינט פארגעקומען א גאר גוטע און פאזעטיווע פארשריט אין די קאמף צו פארזיכערן די חינוך הבנים והבנות בדרך המסורה לנו מאבותינו.
נאכדעם וואס די סטעיט האט ארויסגעגעבן די גזירה צווי יאר צוריק האט פעירלס גערופן די סטעיט צן די סופרים קאורט פון ניו יארק און זענען בעז"ה ארויסגעקומען זיגרייך ווען די געריכט האט געאורטיילט אז די סטעיט רעגולאציעס זענען אומגעזעצליך, די סטעיט האט עס אפעלירט און די אפעלאט געריכט האט ליידער צוריקגעדרייט די פאזעטיווע געריכט אורטייל.
טראץ וואס די אפעלאט געריכט זעלבסט איז געווען די געריכט וואס האט געאורטיילט צו צוריקשטעלן די גזירת החינוך האבן אבער די געטרייע פעירלס אדוואקאטן אין שפיץ פון די די שלוחא דרבנן אדוואקאט ר' אבי שיק נישט גערוט נאר ווייטער געארבעט און געשתדלט ביי די אפעלאט געריכט, בי זיי האבן ב"ה מצליח געווען צו איבערצייגן די אפעלאט געריכט איבער די שוואכקייט פון זייער אורטייל.
פעירלס האט בעז"ה מצליח געווען, די זעלבע אפעלט געריכט וואס האט געאורטיילט צו צוריק איינפעדימען די רעגולאציעס האט אנערקענט אז פעירלס ברענגט ארויף שטארקע טענות קעגן די אורטייל און היינט האט די אפעלאט געריכט אין א זעלטענע שריט ארויסגעגעבן א באפעל צו ערלויבן דאס ווידערעפענונג פון די קעיס אין די העכערע געריכט, די העכסטע געריכט אין ניו יארק, די אפיעלס קאורט.
טראץ וואס א ריזן מערהייט פון קעיסעס וואס ווערן געברענגט צו די אפיעלס געריכט ווערן ארויסגעווארפן אן א טשאנס צו דעבאטירט ווערן אין די אפיעלס קאורט, וועט דא די אפיעלס קאורט עס מוזן אויסהערן צוליב די ערלויבעניש באפעל פון די אפעלאט געריכט, וואס דארף לעגאל אנגענומען ווערן דורך די אפיעלס קאורט.
די געטרייע פעירלס עסקנים הייבן שוין אן העפטיגע לעגאלע ווערק צו שטיין גרייט ליום הדין, פולע לעגאלע דעטאלן דארפן ווערן אויסגעארבעט צו קענען פרעזענטירן די קעיס פאר די אפיעלס קאורט ריכטער ערגעצוואו אין די קומענדיגע יאר אויף די מערסט אפעקטיווע פארנעם און ברענגען א זיגרייכע אורטייל בעז"ה פאר כלל ישראל.
