חסידי סקווירא נעמען אויף מיט פרייד די פרייליכע בשורה איבער די געבורט פון א אייניקל ביי כ"ק אדמו"ר מסקווירא שליט"א, בן הנולד ביים רבינ'ס זון הגה"צ ר' יעקב יוסף טווערסקי שליט"א, וועלכער איז אן איידעם ביי כ"ק אדמו"ר הרה"צ רבי ישכר שלמה האלבערשטאם שליט"א מקאלאשיץ ב"ב.
די גרויסע שמחה איז היסטאריש ביי חסידי סקווירא, ווען עס איז שוין היינט א זעלטענהייט אז עס זאל געבוירן ווערן א רעכטער אייניקל ביים רבי'ן, וועלכער איז שוין בליעה"ר אויף די עלטערע יארן. דאס קומט אנדערטהאלבן יאר נאך וואס דער אבי הבן הגה"צ ר' יעקב יוסף שליט"א האט חתונה געהאט אין א מזל'דיגע שעה.
בחצר הקודש סקווירא גרייט מען זיך אויף די גרויסארטיגע ימי השמחה, ווען די טויזענטער חסידים וועלן זיך מיטפרייען מיט די שמחה ביים רבי'ן אין הויף בימי חג הסוכות, די שמחת השלום זכר וועט פארקומען פרייטאג צונאכטס שבת חול המועד אין די גרויסע סוכה נעבן ביהמ"ד הגדול אין שיכון סקווירא, די שמחת הוואכנאכט זונטאג אויפדערנאכט אינאיינעם מיט די צענטראלע שמחת בית השואבה בתופים ובמחולות בריקודין עילאין, די שמחת הברית מאנטאג מיטאג אין די גרויסע סוכה כנהוג, און די סעודת שלישי למילה וואס וועט פארקומען ביים טיש בעצם יום הושענא רבא.
