חסידי צאנז קלויזענבורג האבן מיט גרויס טרויער אויפגענומען די שווערע בשורה, איבער די פטירה פון הרב החסיד הוותיק ר' יצחק שמעון שימאן ז"ל, לאנגיעריגער משמש בקודש ביי כ"ק אדמו"ר הרה"ק מצאנז קלויזענבורג זי"ע בעל שפע חיים, און ביי להבחל"ח כ"ק אדמו"ר מצאנז קלויזענבורג שליט"א.
ר' יצחק איז אלע יארן געווען פון די פני העדה, מהיושבים ראשונה במלכות און שטארק איבערגעגעבן לימין הקודש פון די מנהיגי העדה, סיי אין די פריערדיגע יארן ביים רבי'ן זצ"ל וואו ער האט משמש געווען לפני ולפנים, און סיי אין די שפעטערע יארן ווען ער איז געווען דער גבאי ביים רבי'ן שליט"א, און געשטאנען צו די האנט פון די הנהלת הקהילה והמוסדות אין יעדע צייט און יעדע פראיעקט פון הרחבת גבולי הקדושה.
ליידער איז ער נישט געזונט געווען די לעצטע שטיק צייט, דעם יום הקדוש ביי קריאת התורה האט כ"ק אדמו"ר מצאנז קלויזענבורג שליט"א געהייסן מאכן א מי שברך לרפואתו, אבער ליידער איז ער היינט נפטר געווארן לחיי העולם הבא, די לוויה וועט פארקומען היינט 6:45 נאכמיטאג פארנט פון ביהמ"ד הגדול צאנז קלויזענבורג אין בארא פארק.
