א שרעקליכע פאסירונג האט זיך אפגעשפילט יעצט ביינאכט אין ארץ ישראל, אין די צייט וואס טויזענטער אידן יראים ושלמים זענען פארזאמלט ברחובה של עיר ביים גרויסן עצרת קול שועתם קעגן די שרעקליכע גזירת הגיוס, ווען א ווילדע באס דרייווער האט אראפגעקלאפט עטליכע אידן ביים סוף פונעם מעמד.
די באס איז געפארן ווילדערהייט אויף רחוב שמגר, און האט אראפגעקלאפט עטליכע אידן וואס זענען געווען פארזאמלט צו פראטעסטירן, אין די ערשטע שעות נאכן עצרת. עטליכע זענען שווער פארוואונדעט געווארן, און איינער איז ליידער טראגיש אומגעקומען רח"ל נאכן ווערן געשלעפט אונטערן באס א שטיק וועג.
דער באס דרייווער איז פארהאלטן געווארן דורך די פאליציי און ווערט ארעסטירט, און א מאסיווע אנוועזנהייט פון עמערדזשענסי באאמטע זעהט זיך אן אויפן סצענע.
