JDN

שמחת בית סאטמאר: היינט קומט פאר די שמחת החתונה פון א אייניקל ביי כ"ק אדמו"ר מסאטמאר שליט"א, די כלה א טאכטער פון זיין זון הגה"צ ר' יואל טייטלבוים שליט"א, איידעם ביי הגה"צ ר' אשר אנשיל אשכנזי שליט"א אב"ד חוות דעת מעלבארן סיגעיט, מיט די חתן א זון פון כ"ק אדמו"ר מאלעסק שליט"א פון ב"פ, איידעם ביי כ"ק אדמו"ר מחוסט שליט"א פון ב"פ. – די מעמד קבלת פנים און חופה קומט פאר אין זאל ויואל משה אין וויליאמסבורג, און די שמחת החתונה אין ביהמ"ד הגדול סאטמאר אויף ראדני סטריט.

היינט קומט פאר די שמחת החתונה פונעם חתן א זון פון הגה"צ ר' שמואל אברהם זעלטענרייך שליט"א, זון פון הגה"צ אבד"ק טשאקאווא קערעסטיר שליט"א, און איידעם ביי הגה"צ ר' בנציון דוב האלבערשטאם שליט"א מסארוואש, איידעם ביי הגה"צ ר' לייבל סטעמפל שליט"א, אייניקל פון הרה"ק בעל קדושת ציון מבאבוב זי"ע, מיט די כלה א טאכטער פון הגה"צ ר' יעקב דוד ארנסטר שליט"א, זון פון הגה"צ ר' ישראל ארנסטר שליט"א, אייניקל פון הרה"ק בעל אמרי חיים מוויזניץ זי"ע, און איידעם ביי כ"ק אדמו"ר מאלכסנדר שליט"א. – די שמחת החתונה קומט פאר אין זאל תפארת רבקה אין בארא פארק.

היינט קומט פאר די שמחת החתונה פון א אייניקל ביי כ"ק אדמו"ר מבלאזוב שליט"א, די חתן א זון פון זיין איידעם הרב ברוך בענדיט טווערסקי שליט"א, זון פון הרב יצחק מאיר טווערסקי שליט"א מהארנסטייפל, מיט די כלה א טאכטער פון הרב יעקב יוסף ראבינאוויטש שליט"א, זון פון כ"ק אדמו"ר מביאלא לאנדאן שליט"א, און איידעם ביי הגה"צ ר' שלמה גאלדמאן שליט"א מזוועהיל ב"פ. – די שמחת החתונה קומט פאר אין הייטנער זאל אין בארא פארק.

היינט קומט פאר די שמחת החתונה פונעם חתן א זון פון הגה"צ ר' ישראל אהרן הורוויץ שליט"א אבד"ק באסטאן מאנטשעסטער, זון פון כ"ק אדמו"ר מבאסטאן חוסט זצ"ל, און איידעם ביי כ"ק אדמו"ר מהורדענקא שליט"א פון מאנטשעסטער, מיט די כלה א טאכטער פון הרב עזריאל שווארץ שליט"א פון לאנדאן. – די שמחת החתונה קומט פאר אין זאל מערידיען גרענד אין לאנדאן.

היינט קומט פאר די שמחת החתונה פונעם חתן א זון פון הרב יואל פאזען שליט"א, זון פון הגה"צ ר' יודל פאזען שליט"א איידעם ביי כ"ק אדמו"ר מסטריזוב זצ"ל, און איידעם ביי כ"ק אדמו"ר מטבא דשמואל ספינקא שליט"א, מיט די כלה א טאכטער פון הגה"צ ר' שמעון כ"ץ שליט"א דומ"ץ סאטמאר מאנסי, איידעם ביי הגה"צ אבד"ק לאנדסבערג שליט"א. – די שמחת החתונה קומט פאר אין זאל עטרת גינענדל אין מאנסי.

שמחת בית וויזניץ – קאלוב – חוסט – פאלטישאן: היינט קומט פאר די שמחת הווארט פון א אייניקל ביי כ"ק אדמו"ר מוויזניץ שליט"א פון מאנסי, די כלה א טאכטער פון זיין זון הגה"צ ר' חיים מאיר האגער שליט"א, איידעם ביי כ"ק אדמו"ר מפאלטישאן בענסענהוירסט שליט"א, מיט די חתן א זון פון הגה"צ ר' אלעזר יונה גינזבערג שליט"א אבד"ק סוואליעווע, זון פון כ"ק אדמו"ר מחוסט שליט"א, און איידעם ביי כ"ק אדמו"ר מקאלוב שליט"א. – די שמחה קומט פאר אין ביהמ"ד הגדול וויזניץ אין מאנסי.

היינט קומט פאר די שמחת הברית פון א אור אייניקל ביי כ"ק אדמו"ר מקאלוב שליט"א, אייניקל פון זיין איידעם הגה"צ ר' יעקב מאסקאוויטש שליט"א אבד"ק תורת חמ"ד נייטרא וומס"ב, זון פון הגה"צ ר' יצחק אלעזר מאסקאוויטש שליט"א אדמו"ר משאץ, בן הנולד ביי זיין זון הרב יוסף יחיאל מיכל מאסקאוויטש שליט"א, איידעם ביי הגה"צ ר' דוד האגער שליט"א, זון פון כ"ק אדמו"ר מוויזניץ שליט"א פון קייאמישע, און איידעם ביי כ"ק אדמו"ר מוויזניץ שליט"א פון וויליאמסבורג. – די שמחה קומט פאר אין ביהמ"ד קאלוב אין וויליאמסבורג.

היינט קומט פאר די שמחת הברית פון א אייניקל ביי כ"ק אדמו"ר מראחמיסטריווקא שליט"א פון לעיקוואד, בן הנולד ביי זיין זון הרב נחמן יוסף טווערסקי שליט"א, איידעם ביי כ"ק אדמו"ר מטארנא שליט"א. – די שמחה קומט פאר אין ביהמ"ד טארנא אין פלעטבוש.

עס איז געשלאסן געווארן די שידוך פונעם חתן א זון פון הגה"צ ר' מרדכי אהרן מייזליש שליט"א רב ביהמ"ד איחוד התלמידים ד'סאטמאר, זון פון הגה"צ גאב"ד סאטמאר ב"פ שליט"א, און איידעם ביי הגה"צ אבד"ק ווייטצען וומס"ב שליט"א, מיט די כלה א טאכטער פון הגה"צ ר' מרדכי גרינפעלד שליט"א אבד"ק סעמיהאי ניו סיטי, זון פון הגה"צ אבד"ד סעמיהאי ב"פ שליט"א, און איידעם ביי הגה"צ ר' אהרן ווייס שליט"א, איידעם ביי הגה"צ ר' שמואל חיים ראובן מלאנצוהט זצ"ל.

היינט נאכט י"ט טבת געפאלט די דרייצנטע הילולא קדישא פון כ"ק אדמו"ר מסאדיגורא זצ"ל בעל עקבי אבירים, נכדו כ"ק אדמו"ר מסאדיגורא שליט"א וועט אפרעכטן די יארצייט טיש היינט אויפדערנאכט אין ביהמ"ד הגדול סאדיגורא אין בני ברק, נכדו כ"ק אדמו"ר מסאדיגורא ירושלים שליט"א וועט אפרעכטן די יארצייט טיש בבית מדרשו אין ירושלים, נכדו כ"ק אדמו"ר מסאדיגורא לאנדאן שליט"א וועט אפרעכטן די יארצייט טיש בבית מדרשו אין די גאלדערסגרין געגנט אין לאנדאן.

היינט נאכט י"ט טבת געפאלט די ערשטע יארצייט פון הגה"צ רבי משה אהרן רייך זצ"ל גאב"ד פשעווארסק וויליאמסבורג, די יארצייט סעודה קומט פאר בבית מדרשו קהל בית משה אהרן אין אנטווערפן.

כ"ק אדמו"ר משומרי אמונים שליט"א לאזט זיך היינט ארויס אויף א מסע הקודש "מעלין בקודש" צו די מקומות הקדושים אין אייראפע, לרגל די הילולא קדישא פונעם הייליגן בני יששכר זי"ע וואס געפאלט היינט י"ח טבת. היינט דורכ'ן טאג וועט דער רבי שליט"א פוקד זיין די ציונים הק' פונעם הייליגן בני יששכר זי"ע אין דינוב, דעם הייליגן רבי'ן ר' אלימלך זי"ע אין ליזענסק, און די הייליגע צדיקים אין שטאט לובלין.

כ"ק אדמו"ר מקרעטשניף סיגעט שליט"א קומט היינט אן צוגאסט קיין לאנדאן, צום ערשטן מסע הקודש נאכן איבערנעמען די כתר האדמורו"ת, דער רבי שליט"א וועט האבן די אכסניא אין שטוב פון הרב החסיד ר' משה בונם קרויס הי"ו.

הגה"צ אבד"ק ציעשנוב שליט"א לאזט זיך היינט ארויס אויף א נסיעה צו די מקומות הקדושים אין אייראפע, לקראת די הילולא קדישא פון זקינו הרה"ק בעל דברי שמחה מציעשנוב זי"ע וואס געפאלט דעם פרייטאג כ' טבת.

היינט קומט פאר אן אסיפת התעוררות אין ביהמ"ד בית מנחם צבי דקהל יטב לב ד'סאטמאר אין וויליאמסבורג, נאך די שרעקליכע פאסירונג ווען א ספר תורה איז אראפגעפאלן אויף די ערד רח"ל, עס וועלן אויפטרעטן הגה"צ אבד"ק סאטמאר וומס"ב שליט"א, און הגה"צ ר' מאיר צוויבל שליט"א מח"ס נר המאיר.