היינט קומט פאר די דינער "מיין אמת'דיגע קשר" לטובת תלמוד תורה אמרי אמת דחסידי גור אין בארא פארק, עס קומט פאר אין זאל עטרת ליבא אין די נייע בנין הת"ת, אין שפיץ פון הגה"צ ר' אברהם מרדכי אלתר שליט"א בנו הגדול פון כ"ק אדמו"ר מגור שליט"א.
היינט קומט פאר די יערליכע דינער "שפע" לטובת ת"ת וויען אין מאנסי, אין זאל פון די תלמוד תורה אויף יוניאן ראוד, אין שפיץ פון כ"ק אדמו"ר מוויען שליט"א.
היינט קומט פאר די יערליכע דינער לטובת כולל ערב דחסידי וויזניץ אין בארא פארק, עס קומט פאר אין ביהמ"ד הגדול דקהל תורת חיים וויזניץ אין בארא פארק, אין שפיץ פון כ"ק אדמו"ר מוויזניץ שליט"א פון ב"פ, און זיין פעטער כ"ק אדמו"ר מוויזניץ שליט"א פון בית שמש וועלכער וועט אויפטרעטן מיטן משא הערב.
היינט קומט פאר א מעמד קבלת פנים אין מאנטריאל לכבודו פון הגה"צ ר' אהרן מרדכי רוקח שליט"א, בנו יחידו פון כ"ק אדמו"ר מבעלזא שליט"א, וועלכער קומט היינט אן אויף א באזוך בקרב חסידי בעלזא אין שטאט, די מעמד קומט פאר אין ביהמ"ד זכרון יעקב יצחק דחסידי בעלזא אין מאנטריאל.
היינט קומט פאר א מסיבת קבלת פנים אין לעיקוואד לכבודו פון כ"ק אדמו"ר מזוועהיל שליט"א, וועלכער איז צוגאסט די טעג אין ניו יארק לטובת מוסדותיו הקדושים, עס קומט פאר אין שטוב פון הרב החסיד ר' ירוחם שטיינמעטץ הי"ו, מיט די באטייליגונג פון כ"ק האדמורי"ם מראחמיסטריווקא שליט"א פון לעיקוואד און אוקענוויין.
כ"ק אדמו"ר מבאבוב 45 שליט"א לאזט זיך היינט ארויס אויפן וועג קיין אריזאנע, וואו דער רבי וועט זיך אויפהאלטן די קומענדיגע צוויי וואכן אויף אפרוה.
כ"ק אדמו"ר מוויזניץ שליט"א פון מאנסי וועלכער האט זיך אויפגעהאלטן די לעצטע פאר טעג אין לאס אנדזשעלעס לטובת מוסדותיו הקדושים, קערט זיך היינט צוריק למעון קדשו אין מאנסי.
כ"ק אדמו"ר מוויזניץ שליט"א פון בית שמש וועלכער איז אנגעקומען צוגאסט קיין ניו יארק לטובת מוסדותיו הקדושים, וועט היינט אויפדערנאכט אנקומען קיין בארא פארק, און אויפנעמען דעם ציבור חסידים לקראת די שמחת החתונה פון א אייניקל, אין ביהמ"ד הגדול וויזניץ אויף נוא יוטרעקט.
כ"ק אדמו"ר מקאפיטשניץ שליט"א וועלכער האט זיך אויפגעהאלטן די לעצטע צוויי וואכן אין ניו יארק לרגל די שמחת החתונה פון א אייניקל, קערט זיך היינט צוריק למעון קדשו אין ירושלים עיה"ק.
כ"ק אדמו"ר מאמשינאוו ארה"ב שליט"א וועט היינט אנקומען קיין מאנסי, און אויפטרעטן מיט א שיעור אין ספר התניא אין ביהמ"ד זוועהיל אויף וועסט מעיפל.
כ"ק אדמו"ר מקרעטשניף סיגעט וומס"ב שליט"א וועלכער האט זיך אויפגעהאלטן די לעצטע פאר טעג אין ארץ ישראל לרגל די שמחת פדיון הבן פון א אייניקל, קערט זיך היינט צוריק למעון קדשו אין וויליאמסבורג.
כ"ק אדמו"ר מקאליב ארה"ק שליט"א קומט היינט אן צוגאסט קיין שיקאגא, וואו דער רבי וועט זיך אויפהאלטן די קומענדיגע וואך לטובת מוסדותיו הקדושים, די אכסניא איז אין שטוב פון הנגיד ר' הערשל וויינגארטן הי"ו.
היינט קומט פאר די שמחת פדיון הבן לבן הנולד ביי הרב משה מרדכי לייפער שליט"א, זון פון הגה"צ ר' אברהם לייפער שליט"א ראש ישיבת נדבורנא, זון פון כ"ק אדמו"ר מנדבורנא שליט"א פון ב"פ, און איידעם ביי כ"ק אדמו"ר מראחמיסטריווקא שליט"א פון לינדען, איידעם ביי כ"ק אדמו"ר מטשערנאביל שליט"א. – די שמחה קומט פאר אין נדבורנא בית המדרש אין בארא פארק.
שמחת בית קאשוי: היינט קומט פאר די שמחת התנאים פון א אייניקל ביי כ"ק אדמו"ר מקאשוי שליט"א, די חתן א זון פון זיין איידעם הגה"צ ר' שלמה אליעזר שפיטץ שליט"א, זון פון הגה"צ ר' יעקב בער שפיטץ שליט"א מביסטריץ, מיט די כלה א טאכטער פון הרב יעקב פריעדמאן שליט"א. - די שמחה קומט פאר אין זאל פרדס ווידער אין קרית יואל.
עס איז געשלאסן געווארן די שידוך פונעם חתן א זון פון הגה"צ ר' שמואל יעקב מייזעלס שליט"א דומ"ץ ביהמ"ד בית מרדכי לייב דקיט"ל סאטמאר אין קרית יואל, זון פון הגה"צ אבד"ק ריטשאוואל שליט"א, און איידעם ביי הגה"צ ר' שמעון רייכמאן שליט"א, מיט די כלה א טאכטער פון הגה"צ ר' זאב ברוך טייטלבוים שליט"א אב"ד מאור תורה, זון פון הגה"צ ר' יחזקאל טייטלבוים שליט"א אב"ד קלאסנא ודומ"ץ סאטמאר קליימער, און איידעם ביי הגה"צ אבד"ק דושינסקיא וומס"ב זצ"ל.
היינט כ"ד טבת געפאלט די יומא דהילולא קדישא פונעם הייליגן בעל התניא זי"ע, פילע אידן וועלן פוקד זיין דעם ציון הק' אין שטאט האדיטש אין אוקראינע, אין אלע צענטערן פון חסידי חב"ד איבער די וועלט ווערט געפראוועט סעודות הילולא און מסיבות לחיים לכבוד די יארצייט.
אריינצושיקן מודעות און נייעס, שיקט אן אימעיל צו NEWS@JDNMAIL.COM
