שמחת בית פשעווארסק – קיוויאשד: עס איז געשלאסן געווארן די שידוך פון א אייניקל ביי כ"ק אדמו"ר מפשעווארסק שליט"א, די חתן א זון פון זיין איידעם הגה"צ ר' אלעזר פריעדמאן שליט"א מו"ץ בק"ק סאטמאר אנטווערפן, זון פון הגה"צ ר' ברוך אברהם פריעדמאן שליט"א דומ"ץ סאטמאר העריסאן, זון פון הגה"צ ראב"ד סאטמאר זצ"ל, און איידעם ביי כ"ק אדמו"ר מקיוויאשד זצ"ל, מיט די כלה א טאכטער פון הגה"צ ר' ישראל דייטש שליט"א, זון פון הגה"צ ר' יחזקאל דייטש שליט"א אבד"ק מקור חיים, און איידעם ביי כ"ק אדמו"ר מקיוואשד שליט"א. די שמחת התנאים קומט פאר היינט אויפדערנאכט אין ביהמ"ד קיוויאשד אין וויליאמסבורג.
כ"ק אדמו"ר מאלכסנדר שליט"א לאזט זיך היינט ארויס אויף א מסע הקודש "הנאמנים" צו די מקומות הקדושים אין פוילין, אינאיינעם מיט תומכים ונדיבים וואס האבן זיך אנגעשלאסן מיט גרויסע סכומים פארן קרן הבנין פון די נייע ביהמ"ד הגדול דחסידי אלכסנדר אין בני ברק, היינט דאנערשטאג וועט דער רבי שליט"א אנקומען אויף א תפילה ביים ציון הק' פונעם הייליגן רבי'ן ר' אלימלך פון ליזענסק זי"ע.
כ"ק אדמו"ר מתולדות יהודה סטוטשין שליט"א וועלכער איז אנגעקומען צוגאסט קיין ארץ ישראל לרגל די ימי השובבי"ם, וועט היינט אויפדערנאכט אויפטרעטן מיט א שיעור אין פרשת השבוע, אין ביהמ"ד הגדול סלאנים אויף רחוב דורש טוב אין ירושלים.
הגה"צ ר' חיים שלום האלבערשטאם שליט"א בנו הגדול פון כ"ק אדמו"ר מבאבוב שליט"א, קומט היינט אן אויף א באזוך בקרב חסידי באבוב אין לאנדאן, צו באשיינען די דינער חמשת אלפים לטובת מוסדות באבוב אין לאנדאן.
היינט קומט פאר די מעמד חנוכת הבית און הכנסת ספר תורה פאר די נייע ביהמ"ד בית שלמה זלמן דחסידי בעלזא אין רובע ג' אשדוד, לע"נ הרב החסיד ר' שלמה זלמן גראסמאן ע"ה.
היינט קומט פאר א כינוס פאר חסידי צאנז אין שטאט אלעד, לטובת די מבצר התורה אין די קהילה, אלס נואם הכבוד וועט אויפטרעטן הגה"צ המשפיע ר' חיים יצחק קאפף שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
