א שיינע צוזאמקום איז פארגעקומען די וואך אין ניו דזשערזי, ווען עס איז באנייעט געווארן א שפאגל נייע הצלה קאר פאר די הצלה ארגענעזאציע אין סענטראל דזשערזי, פינאנצירט דורך די באקאנטע Lilac & Creme פירמע וואס שטעלט צו געשמאקע מילכיגע פראדוקטן.
די נייע קאר ווערט צוגעלייגט צו א פלאטע קארס און טראקס אונטער די הצלה ארגענעזאציע אין סענטראל דזשערזי, ארויסצוהעלפן די טאג טעגליכע אפעראציעס פון הצלת נפשות דורך די געטרייע הילפס וואלאונטירן, די דאזיגע נייע קאר איז ספעציעל געווידמעט אלס שבת רעספאנס קאר, מיט וואס די שבת גוים וועלן אהיימפירן די געטרייע הצלה וואלאונטירן נאכן שענקן הילף פאר אידישע קינדער, צו קענען עוסק זיין בהצלת נפשות אין צוזאמענהאנג מיט שמירת שבת כהלכתה אויפן העכסטן גראד.
די באקאנטע Lilac & Creme פירמע וואס איז ברייט בארימט מיט זייערע געשמאקע מילכיגע פראדוקטן, האט גענומען אויף זיך די פאנטאסטישע הוצאות אהערצושטעלן דעם נייעם הצלה קאר, צו האבן א טייל אין די ווייטגרייכענדע הצלת נפשות און שמירת שבת קודש, ביי א שיינע צוזאמקום וואו מען האט באנייעט די שפאגל נייע הצלה קאר, האט מען שטארק באעהרט די פירמע פארן מנדב זיין דעם נייעם קאר צו פארגרינגערן פאר חולי ישראל ומשמשיהן.
