עסקני בית לפליטות קומען ארויס מיט א קאמפיין 'משמח את שלי' אויפצו טרייבן נדבות הציבור פאר'ן מוסד הק' בית לפליטות, צו קענען אהער שטעלן אן הערליכן יו"ט פאר די נשברי לב
*
דער הייליגער מוסד בית לפליטות אין ירושלים עיה"ק, איז א יחיד בדורו זייענדיג דער איינציגסטער יתומים היים פאר חרדי’שע יתומים, וואו עס וואוינען מיידלעך וואס קומען אן אהין פון אלע חרדי’שע ישובים איבער דער וועלט.
בית לפליטות באשיצט אונטער אירע פליגלן הונדערטע מיידלעך, סיי אזוינע וואס זייערע עלטערן זענען אוועק ל”ע און סיי לעבעדיגע יתומות וועלכע קומען פון שווערע שטיבער און האבן געלעבט אין שאטן פון שווערע אומשטענדן ל”ע.
די מוסד איז אין לויף פון די יארן צוטיילט געווארן אין עטליכע באזונדערע אפטיילונגען און איז פארוואנדלט געווארן אין א וועלטס פארנעם און איז די איינציגסטע יתומים היים אינערהאלב אונזערע היימישע קרייזן.
אויכעט טוט היינט צוטאג דער מוסד אנפירן מיט הייליגע פעולות למען בחורים, אינגלעך און מיידלעך פון צוטיילטע שטובער רח"ל, ווי בית לפליטות איז דער איינציגסטער מקום ווי זיי באקומען זייער שמייכל און ליבשאפט, און שעפן ארויס הויפענעס פון חיזוק.
אויב א גאנץ יאר זענען די הוצאות אויפצוהאלטן דער מוסד זייער הויעך, זענען אצינד - זיך גרייטנדיג צום יום טוב פסח - די קאסטן ממש אסטראנאמיש. עס קומען צו פילע הוצאות, אנגעהויבן פון אויסשטאפירן די קינדער און זיי קויפן די נויטיגע חפצים פאר יו”ט.
צו דעם קומט צו אויסגאבן ווי די טייערע פסח עסן און דאס אויפהאלטן די מדריכות. אין צוגאב צו דעם איז פארהאן די גאנץ יעריגע אויסגאבן פון אויפהאלטן די בנינים, וואס אין די איצטיגע אינפלאציע צייטן, ווערן די דאזיגע הוצאות בלויז טייערער.
בית לפליטות קען נישט ריפלעיסן א טאטע אדער א מאמע! אבער זיי קענען יא געבן דעם גוטן געפיהל אינעם שמייכל פאר די צובראכענע נשמה'לעך, זיי זאלן קענען וואקסן געזונט, און אויסהיילן זייער פארוויטאגטע נשמה, 'בית לפליטות' איז די איינציגע מוסד אין די וועלט (!) וועלכע ארבעט רונדע דעם זייגער, יא! אויך פסח ביינאכט, ווען איר זיצט מיט אייער פאמיליע און זאגט די הגדה, זיצט ר' חיים אלעזר ראזנפעלד שליט"א מיט די יתומות און זאגט די הגדה און באקט אריין אין זיי אמונה אזוי ווי יעדע אידישע טאטע, 'בית לפליטות' האט נישט קיין וואקאציע! בית לפליטות איז אפען יעדן טאג.
הנהלת בית לפליטות ווענדט זיך אצינד צום היימישן ציבור וואס פארשטייט די נויטוויכטיקייט אויפצוהאלטן דעם מוסד הק', צוצושטיין מיט הילף און אנטייל נעמען אינעם איצטיגן ערב פסח קמחא דפסחא קאמפיין.
מען אפעלירט אצינד צום ברייטן ציבור נישט צו "פארלאזן" די דאזיגע צעבראכענע נפשות, און זיי "משמח זיין" לכבוד יום טוב פסח. מען קען זיך אנשליסן אינעם קאמפיין מיט'ן שיקן א פולקאמע יום טוב פעקל פאר'ן נדבה פון 1,200 דאללער, אדער מיטן אויסצאלן א "זכות יתומה לליל הסדר" פאר 600 דאללער, ווי אויך מיט'ן שיקן א קלייד אויף יו"ט פאר א יתומה פאר בלויז 180 דאללער.
רופט די אפיס פון בית לפליטות אויף 718.682.2008
דער רבוש"ע וועט אייך אוודאי באצאלן מיט אלעם גוטן און איר וועט האבן א כשר'ן פרייליכן יו"ט - אֲנִי מְשַׂמֵּחַ אֶת שֶׁלְּךָ!
