א וואקאציע איז עפעס וואס יעדער זוכט, מען וויל זיך אביסל אויסטשוכען פון די טאג טעגליכע דאגות און זיך אויפפרישן, אבער גאר אסאך מאל טרעפט מען זיך נאך א וואקאציע מיט מער קאפ ווייטאג ווי פריער און מען דארף גאר א וואקאציע פון דעם וואקאציע.
משפחת פעדער האט ארויס דעם סוד נאך 35 יאר פון צושטעלן לוקסוריעזע וואקאציעס, זיי ווייסן אז א ריכטיגע וואקאציע הייבט זיך אן אין דעם מאמענט וואס דער קאפ הערט אויף צו זארגן. און די דאזיגע רואיגקייט קומט נאר ווען איינער אנדערש האט שוין אלעס מסדר געווען פאר דיר. און ווען דאס פאסירט, קערט מען זיך צוריק אהיים אויסגערוט אלס א נייער מענטש.
היימישע אידן דארפן אויך וואקאציע, אבער דאס איז זיכער אז עס דארף זיין היימיש און צוגעשטעלט מיט'ן פולן אידישן טעם, עפעס וואס וועט געבן רוהיגקייט אנשטאט אוועקנעמען.
און דאס טוט משפחת פעדער שוין פאר א צירקע פון 35 יאר צושטעלנדיג אן ערפארונג פאר היימישע אידן וואס זאלן זיך פילן ווי ביי זיך אין ביהמ"ד אבער מיט א הערליכע פאנאראמע און לעבהאפטיגע באזוכן.
די וועג וויאזוי עס ארבעט איז אז זיי דינגען אויס א גאנצן האטעל אין די עסטרייכישע אלפן בערג אויף א תקופה פאר קליינע גרופעס פון בערך פערציג מענטשן, און מען פלאנירט אויס די גאנצע ערפארונג פון די סעקונדע וואס מען פארלאזט דאס הויז ביז מ'קומט צוריק בשלום. פליגערס, טראנספערס, דער האטעל, נארהאפטיגע מאלצייטן מיט א מהודר'דיגע כשרות, טורס מיט א היימישן אידישן גייד, און געהויבענע שבתים. אלעס ווערט אראנדזשירט, פונקטליך קאארדינירט, ווען אלעס קלאפט הונדערט פראצענטיג.
די פראגראם פונעם טור איז ספעציעל אויסגעשטעלט אז יעדער טאג זאל זיין א פולקאמע איבערלעבעניש פאר זיך. מיט באזוכן ביי הערליכע אטראקציעס, און פארשידענע אונטערהאלטונגען צו ברענגען די מאקסימאלסטע הנאה.
דער אטמאספער איז היימיש און געשמאק ווי אן אידישע וואקאציע דארף צו זיין, און עס ווערן אפילו צוגעשטעלט טעגליכע שיעורים און גאר א הוקאפ צום שיעור דף היומי פונעם בארימטן מגיד שיעור ר' אלי' סטעפאנסקי.
עס איז שוין יעצט צוויי וואכן אריין אינעם סעזאן ווען די פעדער פאמיליע האט שוין סערווירט צענדליגער קליענטן וואס קענען נישט גענוג אויסלויבן זייער באשלוס צו אויסוועלן דעם וואקאציע.
אצינד איז אייער געלעגנהייט זיך צו מיטכאפן מיט דעם אויסטערלישן ערפארונג וואס וועט אייך אויפפרישן מיט נייע כוחות און באגלייטן מיט זיסע זכרונות פון א רוהיגקייט אויפן העכסטן פארנעם אן פארציכטן אויף כשרות און באקוועמליכקייט.
צו באשטעלן אן ערשטקלאסיגע וואקאציע, קען מען זיך פארבינדן מיט משפחת פעדער אויף:
+1 (347) 987-9853
