היינט קומט פאר א גרויסער מעמד "עצה ותושיה" בחצר הקודש בעלזא, א כינוס פאר די צענדליגע דיינים ומורי הוראה אינערהאלב קהל מחזיקי הדת בעלזא, די מעמד קומט פאר אין זאל נחלת יהודה בבנין ביהמ"ד הגדול אין קרית בעלזא ירושלים.
היינט קומט פאר אין בארא פארק די יערליכע דינער "מסורה" לטובת כולל חבת ירושלים לצדקת רבי מאיר בעל הנס, אין זאל פון עטרת גאלדא, אין שפיץ פון די אדמור"י ורבני העיר, ובראשם די נשיאי הכבוד פונעם כולל, כ"ק אדמו"ר מבאבוב שליט"א, און כ"ק אדמו"ר מצאנז קלויזענבורג שליט"א.
אין אנטווערפן קומט היינט פאר א גרויסע עצרת תפילה אין ליכט פון די שרעקליכע גזירה פון ברית מילה וואס הויערט אויף אחינו בני ישראל תושבי העיר, די עצרת קומט פאר אינעם בית הכנסת הגדול די אוסטען שוהל, וואו הגה"צ גאב"ד אנטווערפן שליט"א וועט אויפטרעטן מיט דברי התעוררות.
היינט קומט פאר די יערליכע דינער לטובת מוסדות וויען אין בארא פארק, אין די לעגאסי זאל, אין שפיץ פון כ"ק אדמו"ר מוויען שליט"א.
היינט קומט פאר די מעמד "חביבין דבקבעתא" בחצר הקודש טשערנאביל, אפצוגעבן דעם כבוד התורה פאר די לומדי מפעל קנין התורה תורתי, די מעמד קומט פאר אין די הדודאים זאל אויף רחוב הירקון אין בני ברק, אין שפיץ פון כ"ק אדמו"ר מטשערנאביל שליט"א.
היינט קומט פאר א ספעציעלע יום שכולו תורה פאר כלל תלמידי ישיבת קראלי, אין מחנה זרע אברהם קראלי אין סאוט פאולסבורג, אין שפיץ פון כ"ק אדמו"ר מקראלי שליט"א.
היינט ב' סיון געפאלט די יומא דהילולא קדישא פון הרה"ק בעל אהבת ישראל מוויזניץ זי"ע, פילע אידן אין שפיץ פון די אייניקלעך האדמורי"ם לבית וויזניץ זענען פוקד דעם ציון הק' אויפן וויזניצע בית החיים אין בני ברק, די אייניקלעך כ"ק האדמורי"ם מוויזניץ פון וומס"ב און מאנטריאל, און שאץ וויזניץ שליט"א, וועלן אפרעכטן די יארצייט טישן היינט פארנאכטס ברוב עם.
נכדו כ"ק אדמו"ר מסערט וויזניץ שליט"א וועט פוקד זיין דעם ציון הק' זעקס אזייגער נאכמיטאג, און דערנאך ארויספארן בראש קהל חסידיו קיין ירושלים עיה"ק, אויף א תפילת רבים ביים שריד בית מקדשינו דער כותל המערבי.
נכדו כ"ק אדמו"ר מוויזניץ שליט"א פון ירושלים וועלכער קומט היינט אן צוגאסט קיין ארץ ישראל לקראת יו"ט שבועות הבעל"ט, וועט פוקד זיין דעם ציון הק' היינט פארמיטאג, און שפעטער פארנאכטס אפרעכטן די יארצייט טיש בבית מדרשו אין ירושלים עיה"ק.
נכדו כ"ק אדמו"ר מוויזניץ שליט"א פון בית שמש וועט פוקד זיין דעם ציון הק' זעקס אזייגער נאכמיטאג, און דערנאך אפרעכטן די יארצייט טיש בבית מדרשו אין בני ברק.
היינט ב' סיון געפאלט די יומא דהילולא קדישא פון הרה"ק בעל מנחת אלעזר ממונקאטש זי"ע, נכדו כ"ק אדמו"ר ממונקאטש שליט"א וועט אפרעכטן די יארצייט טיש היינט פארנאכטס אין מונקאטשער בית המדרש אין בארא פארק, אינאיינעם מיטן סיום ספר דברי תורה ממשנתו פונעם בעל ההילולא. אין ביהמ"ד מונקאטש אין מאנטריאל קומט פאר א יארצייט סעודה היינט פארנאכטס, וואו כ"ק אדמו"ר ממונקאטש שליט"א וועט אויפטרעטן מיט דברות קודש דורכ'ן טעלעפאן.
נכדו כ"ק אדמו"ר מדינוב שליט"א וועט אפרעכטן די יארצייט טיש היינט נאכמיטאג אין היכל ישיבה גדולה שער יששכר דינוב אין ברוקלין.
שמחת בית טשערנאביל – פארשעי – דזיקוב – סטאניסלאוו אלעסק: היינט קומט פאר די שמחת התנאים פונעם חתן א זון פון הגה"צ ר' יעקב בער אשכנזי שליט"א אדמו"ר מסטאניסלאוו אלעסק מאנסי, איידעם ביי כ"ק אדמו"ר מטשערנאביל שליט"א, מיט די כלה א טאכטער פון הגה"צ ר' משה שמואל ראטטענבערג שליט"א ראש ישיבת תורת ישראל פארשעי, זון פון כ"ק אדמו"ר מפארשעי שליט"א, און איידעם ביי הגה"צ ר' מאיר הורוויץ שליט"א אדמו"ר מדזיקוב מאנסי. – די שמחה קומט פאר אין ביהמ"ד קהל נצח ישראל פארשעי אין מאנסי.
היינט קומט פאר די שמחת התנאים פונעם חתן א זון פון הגה"צ ר' יצחק אייזיק פריעדמאן שליט"א, זון פון הגה"צ דומ"ץ סאטמאר ב"פ שליט"א, און איידעם ביי כ"ק אדמו"ר מנחלת אהרן שליט"א, מיט די כלה א טאכטער פון הגה"צ ר' פנחס יחיאל לעמבערגער שליט"א, זון פון הגה"צ אבד"ק מאקאווא אשדוד שליט"א, און איידעם ביי כ"ק אדמו"ר משידלובצא שליט"א. – די שמחה קומט פאר אין ביהמ"ד שידלובצא אין ירושלים.
היינט קומט פאר די שמחת הברית פון צווילינג אור אייניקלעך ביי כ"ק אדמו"ר מתולדות צבי ספינקא שליט"א, אייניקלעך פון בנו הגדול הגה"צ ר' יחזקאל שרגא הורוויץ שליט"א דומ"ץ ספינקא, איידעם ביי כ"ק אדמו"ר מבורשטין שליט"א, קינדער ביי זיין איידעם הרב ישראל יוסף לאבין שליט"א, זון פון הגה"צ אבד"ק באלחוב שליט"א. – די שמחה קומט פאר אין ספינקא בית המדרש אויף פענן סטריט אין וויליאמסבורג.
כ"ק אדמו"ר מלעלוב שליט"א קומט היינט אן צוגאסט קיין ארץ ישראל, לקראת יו"ט שבועות הבעל"ט.
כ"ק אדמו"ר מקרעטשניף קרית גת שליט"א וועלכער האט זיך אויפגעהאלטן די לעצטע פאר טעג אויף א מסע הקודש צו די קברי אבות אין אוקראינע, קערט זיך היינט צוריק למעון קדשו אין קרית גת.
אריינצושיקן מודעות און נייעס, שיקט אן אימעיל צו NEWS@JDNMAIL.COM
