שמחת בית סקווירא – קאלוב – דעעש: היינט קומט פאר די שמחת השבע ברכות פונעם חתן יונגסטע זון פון הגה"צ ר' ישכר דוב טויב שליט"א אב"ד קאלוב וומס"ב, זון פון כ"ק אדמו"ר מקאלוב שליט"א, און איידעם ביי כ"ק אדמו"ר מדעעש שליט"א, מיט די כלה א טאכטער פון הרב חיים מאיר טווערסקי שליט"א, זון פון הגה"צ ר' אהרן מענדיל טווערסקי שליט"א, בנו הגדול פון כ"ק אדמו"ר מסקווירא שליט"א, און איידעם ביי הגה"צ אבד"ק גלאגוב זצ"ל. – די שמחת השבע ברכות קומט פאר היינט נאכמיטאג אין זאל פון עטרת טשארנא אין שיכון סקווירא, אינאיינעם מיט די מעמד חנוכת בניני המוסדות דחסידי סקווירא אין מאנטריאל, אין שפיץ פון כ"ק אדמו"ר מסקווירא שליט"א. שפעטער ביינאכט קומט פאר די שמחת השבע ברכות אין ביהמ"ד קאלוב אין וויליאמסבורג.
שמחת בית וויזניץ: היינט קומט פאר די שמחת השבע ברכות פון א אייניקל ביי כ"ק אדמו"ר מוויזניץ שליט"א, די כלה א טאכטער פון בנו הצעיר הגה"צ ר' יעקב מרדכי האגער שליט"א אב"ד וויזניץ אלעד, איידעם ביי כ"ק אדמו"ר מקאסאן לעיקוואד שליט"א, מיט די חתן א זון פון הגה"צ ר' דוד האלבערשטאם שליט"א, זון פון כ"ק אדמו"ר מגארליץ שליט"א, און איידעם ביי הגה"צ ר' פנחס שטערן שליט"א אבד"ק ביליץ ב"ב. – די שמחת השבע ברכות קומט פאר אין אינעם גרויסן זאל מתנ"ס העירוני אין שטאט אלעד, אינאיינעם מיטן מעמד חצי יובל צום גרינדונג פון די וויזניצע קהילה אין אלעד.
היינט קומט פאר די שמחת החתונה פון א אור אייניקל ביי כ"ק אדמו"ר מסטריזוב שליט"א, אייניקל פון בנו יחידו הגה"צ ר' לייבוש הורוויץ שליט"א, איידעם ביי הגה"צ ר' ירמי' טייטלבוים שליט"א, די חתן א זון פון זיין זון הרב יואל הורוויץ שליט"א, איידעם ביי הגה"צ ר' לייבוש רובין שליט"א מציעשנוב, מיט די כלה א טאכטער פון הגה"צ ר' יחזקאל באב"ד שליט"א אב"ד מקילניץ סטעטן איילענד, זון פון הגה"צ אבד"ק טארנאפאל שליט"א, און איידעם ביי הגה"צ אבד"ק גלאגוב זצ"ל. – די שמחת החתונה קומט פאר אין די לעגאסי זאל אין בארא פארק.
היינט קומט פאר די שמחת החתונה פונעם חתן א זון פון הגה"צ ר' משה בראנדסדארפער שליט"א, זון פון הגה"צ ר' יוסף קדיש בראנדסדארפער שליט"א רב דקהל חסידים אין טבריה, און איידעם ביי הגה"צ ר' דוד שווימער שליט"א דומ"ץ וויזניץ בית שמש, מיט די כלה א טאכטער פון הגה"צ ר' שלמה זלמן לעמבערגער שליט"א אבד"ק מאקאווא נתני', איידעם ביי כ"ק אדמו"ר מקאלאשיץ שליט"א. – די שמחת החתונה קומט פאר אין זאל היכלי מלכות אין בני ברק.
היינט קומט פאר די שמחת החתונה פונעם חתן א זון פון הרב יואל פאללאק שליט"א, זון פון הגה"צ אבד"ק וואדקערט שליט"א, און איידעם ביי הגה"צ ר' ישראל מענדיל וואגשאהל שליט"א מלאנצוהט, מיט די כלה א טאכטער פון הרב נפתלי צבי מאסקאוויטש שליט"א, זון פון הגה"צ ר' יצחק אלעזר מאסקאוויטש שליט"א אדמו"ר משאץ, און איידעם ביי הגה"צ ר'יחזקאל דייטש שליט"א אבד"ק מקור חיים. – די שמחת החתונה קומט פאר אין זאל עטרת גינענדל אין מאנסי.
היינט קומט פאר די שמחת החתונה פונעם חתן א זון פון הגה"צ ר' יעקב יוסף מאיער שליט"א ראש ישיבת בית בנימין סטעמפארד, אייניקל פון הגה"צ אבד"ק אולם זצ"ל, מיט די כלה א טאכטער פון הגה"צ ר' מאיר יודא שפיטץ שליט"א, זון פון הגה"צ ר' יעקב בער שפיטץ שליט"א מביסטריץ, און איידעם ביי הגה"צ ר' שמעון יואל וויינבערגער שליט"א אבד"ק וויטקא. – די שמחת החתונה קומט פאר אין זאל ויואל משה אין וויליאמסבורג.
היינט קומט פאר די שמחת התנאים פונעם חתן א זון פון הגה"צ ר' חיים שלמה בערגער שליט"א אב"ד קאסא גראנדא אריזאנע, זון פון הגה"צ אבד"ק מישקאלץ ניו סיטי שליט"א, און איידעם ביי הגה"צ אבד"ק קאזעווע שליט"א, מיט די כלה א טאכטער פון הגה"צ ר' יצחק אייזיק לאבין שליט"א, זון פון כ"ק אדמו"ר מזידטשויב שליט"א פון וומס"ב, און איידעם ביי הגה"צ אבד"ק סעמיהאי ב"פ שליט"א. – די שמחה קומט פאר אין בעלזא זאל אויף די פינף און פערציגסטע סטריט אין בארא פארק.
היינט קומט פאר די שמחת הברית לבן הנולד ביי הגה"צ ר' משה נתן נטע לעמבערגער שליט"א, זון פון הגה"צ אבד"ק מאקאווא אשדוד שליט"א, און איידעם ביי כ"ק אדמו"ר מנדבורנא ירושלים שליט"א. – די שמחה קומט פאר אין מאקאווא בית המדרש אין אשדוד.
היינט קומט פאר די שמחת הבר מצוה פון א אייניקל ביי כ"ק אדמו"ר מנדבורנא ביתר שליט"א, א זון פון זיין איידעם הגה"צ ר' ארי' מרדכי כהנא שליט"א, זון פון כ"ק אדמו"ר מספינקא סאסרעגען שליט"א, אור אייניקל פון הגה"צ ר' יהושע ראזענבערגער שליט"א גאב"ד קרית הרמ"א בית שמש וחבר ביד"ץ העדה החרדית, און אור אייניקל פון הגה"צ ר' יודל ניישלאס שליט"א אבד"ק סערדאהעלי בית שמש ודומ"ץ העדה החרדית. – די שמחה קומט פאר אין ביהמ"ד נדבורנא אין ביתר.
עס איז געשלאסן געווארן די שידוך פונעם חתן א זון פון הגה"צ ר' שלום ארי' לעמבערגער שליט"א, זון פון הגה"צ אבד"ק מאקאווא ב"ב זצ"ל, און איידעם ביי כ"ק אדמו"ר ממעליץ שליט"א פון אשדוד, מיט די כלה א טאכטער פון הגה"צ ר' דוב בעריש שניאורסאן שליט"א, זון פון הגה"צ ר' נחום שניאורסאן שליט"א נשיא ישיבת טשעבין, און איידעם ביי הגה"צ ר' יעקב מרדכי טווערסקי שליט"א אבד"ק טשערנאביל אלעד.
היינט כ"ב סיון געפאלט די יומא דהילולא קדישא פון כ"ק אדמו"ר הרה"ק רבי ישראל מרדכי מראחמיסטריווקא זצ"ל, בנו כ"ק אדמו"ר מראחמיסטריווקא שליט"א וועט פוקד זיין דעם ציון הק' אויפן הר הזיתים, און שפעטער פארנאכטס אפרעכטן די יארצייט טיש אין ביהמ"ד הגדול ראחמיסטריווקא אין ירושלים.
היינט כ"ב סיון געפאלט די יומא דהילולא קדישא פון הרה"ק רבי איתמר'ל מנדבורנא זי"ע, די אייניקלעך כ"ק האדמורי"ם לבית נדבורנא שליט"א וועלן פוקד זיין דעם ציון הק' אויפן הר הזיתים, און אפרעכטן די יארצייט טישן ברוב עם. נכדו כ"ק אדמו"ר מנדבורנא ירושלים שליט"א וועט אפרעכטן די יארצייט טיש היינט פארנאכטס בבית מדרשו משמרת איתמר אין בית שמש.
היינט נאכט כ"ג סיון געפאלט די יומא דהילולא קדישא פון כ"ק אדמו"ר מקאסוב זצ"ל, בנו כ"ק אדמו"ר מקאסוב שליט"א וועט פוקד זיין דעם ציון הק' היינט ביינאכט נאך תפילת מעריב, אויפן וויזניצע בית החיים אין מאנסי.
היינט קומט פאר די מעמד החומש סעודה פאר די ילדי כתה א' אין תלמוד תורה תורה ויראה ד'סאטמאר אין מאנסי, אין זאל פון עטרת חי' שרה בבנין הת"ת, אין שפיץ פון כ"ק גאב"ד סאטמאר מאנסי שליט"א.
היינט קומט פאר די מעמד החומש סעודה פאר די ילדי כתה א' אין תלמוד תורה טאהש אין מאנסי, אין ביהמ"ד ראחמיסטריווקא אויף ווארען קאורט אין מאנסי, אין שפיץ פון כ"ק אדמו"ר מטאהש שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
