אידישע קינדער זענען ווייטער מתפלל לרפואת הגאון הגדול רבי אברהם יהושע סאלאווייטשיק שליט"א ראש ישיבת בריסק, וועלכער געפונט זיך שוין צוויי וואכן אין שפיטאל אין א ערנסטע געזונט צושטאנד, און יעצט מאנטאג נאכמיטאג אין ארץ ישראל האט זיך די מצב דראסטיש פארערגערט רח"ל אין די צייט וואס די בני המשפחה און מקורבים געפונען זיך ארום.
דער ראש ישיבה געפונט זיך שוין צוויי וואכן אין די הדסה שפיטאל אין ירושלים, נאך פארשידענע קאמפליקאציעס וואס האט זיך געשאפן צוליב א הארץ אפעראציע, היינט אנהייב טאג האט זיך אנגעזעהן א שינוי לטובה און מען האט זיך שוין אנגעהויבן גרייטן פאר א מעגליכע באפרייאונג פון שפיטאל, אבער ליידער איז די מצב פלוצלינג צוריקגעפאלן, און מען האט שנעל אריינגעפירט דעם ראש ישיבה צום איטענסיוו קעיר אפטיילונג וואו די דאקטוירים ארבעטן צו סטאביליזירן די מצב.
כלל ישראל טוט מתפלל זיין און מעורר זיין רחמי שמים לרפואת הגאון רבי אברהם יהושע בן עטיל בתוך שאר חולי ישראל, אין די גרויסע היכל פון ישיבת בריסק און נאך פילע היכלי הישיבות והכוללים האט מען זיך געשטעלט זאגן תהלים ברוב עם, והן קל כביר לא ימאס תפילת הרבים.
