יעצט נאכמיטאג ביי די מסע הלוויה פון כ"ק אדמו"ר מבית שמואל צבי ספינקא זצ"ל בבית מדרשו אין וויליאמסבורג, האט דער לאנגיעריגער גבאי הקהילה הרב החסיד ר' מאיר צבי הכהן פראנצויז הי"ו פארגעליינט די צוואה פונעם רבי'ן זצ"ל, און מכתיר געווען די חשובע קינדער למלא מקומו בקודש בהמשכת שלשלת הקודש לבית ספינקא.
בנו הגדול הגה"צ ר' דוד משה הורוויץ שליט"א ווערט אויפגענומען אלס ממלא מקום באדמורו"ת, און וועט ווייטער ממשיך זיין די הנהגת העדה אויפן פלאץ, אין קהילה קדושה בית שמואל צבי ספינקא אין וויליאמסבורג. דער נייער רבי שליט"א איז אן איידעם ביי הגה"צ ר' ישראל יוסף קאהן שליט"א בנו הגדול פון כ"ק אדמו"ר מתולדות אהרן שליט"א וראש כולל באר יוסף, און א אייניקל פון כ"ק אדמו"ר ממעליץ שליט"א.
דער צווייטער זון הגה"צ ר' יואל הורוויץ שליט"א וועלכער איז אן איידעם ביי זיין עלטער פעטער כ"ק אדמו"ר מסאסוב שליט"א, און וואוינט אין ארץ ישראל, איז אויך געווארן אויפגענומען אלס ממשיך שלשלת הקודש באדמורו"ת ספינקא, און דער דריטער זון הגה"צ ר' שמואל צבי הורוויץ שליט"א, וועלכער איז אן איידעם ביי ש"ב הגה"צ ר' ישראל שנעעבאלג שליט"א אבד"ק טשערנאוויץ ב"פ, איז אויך געווארן אויפגענומען אלס ממשיך שלשלת הקודש באדמורו"ת ספינקא.
