מטעם בית כ"ק אדמו"ר מוויזניץ שליט"א לרפו"ש איז היינט געמאלדן געווארן, אז אנדערש ווי געפלאנט וועט דער רבי שליט"א פארבלייבן דעם שבת אין מושב אורה, נאך וואס עס האט זיך אנטוויקלט אן אינפעקציע וואס טוט שטארק אפשוואכן דעם רבי'ן שליט"א.
דער רבי שליט"א האלט זיך אויף אין די יעצטיגע תקופה אין מושב אורה נעבן ירושלים עיה"ק, זייענדיג אין א שוואכן געזונט צושטאנד אדורכגייענדיג שווערע באהאנדלונגען צו באקעמפן די ביטערע מחלה ה"י. אנהייב וואך איז געמאלדן געווארן די פלענער אז דער רבי שליט"א וועט אריינקומען אויף דעם שבת פרשת נח קיין קרית וויזניץ בני ברק, און פראווענען דעם שבת די תפילות און טישן אין ביהמ"ד הגדול.
אצינד ווען דער רבי שליט"א איז ערנסט אפגעשוואכט צוליב א פרישע אינפעקציע ה"י, איז געמאלדן געווארן אז דער רבי וועט פארבלייבן אויף שבת אין מושב אורה. אזוי אויך איז אפגערופן געווארן די שמחת הבר מצוה פון א אייניקל ביים רבי'ן שליט"א, וואס האט געזאלט פארקומען דעם מוצאי שבת קודש אין ביהמ"ד הגדול אין קרית וויזניץ בני ברק, און עס וועט פארקומען אין א אנדערע געלעגנהייט.
