אין די יעצטיגע טעג איז באשטעטיגט געווארן אז כ"ק אדמו"ר מתולדות יהודה סטוטשין שליט"א וועט ארויספארן אויף א געהויבענע נסיעה קיין ארץ ישראל, און בעז"ה פראווענען א געהויבענע שבת בעיר התורה והחסידות בני ברק, נאך גאנצע צען יאר זינט דער רבי האט דאס לעצטע מאל געפראוועט א שבת אין בני ברק.
יאר יערליך פארט דער רבי ארויס אויף א קורצע נסיעה קיין ארץ ישראל אין לויף פון די ימי השובבי"ם, אויסער די קביעות'דיגע נסיעה פון לענגערע וואכן דורכאויס די זוממער חדשים, געווענליך פראוועט דער רבי שליט"א דעם שבת אין ירושלים עיה"ק בקרב חסידיו, אבער אצינד איז דער רבי נעתר געווארן לבקשת אנשי שלומו חסידיו ומעריציו תושבי בני ברק, און דער רבי וועט בעז"ה פראווענען א געהויבענע שבת בתוככי העיר.
דער רבי וועט בעז"ה ארויספארן קיין ארץ ישראל קומענדיגן דינסטאג פרשת וארא, און פארוויילן דארט ביז מאנטאג פרשת בא, אינעם קביעות'דיגן אכסניא אין ירושלים עיה"ק, ווען די תפילות וועט דער רבי דאווענען ווי געווענליך ביים כותל המערבי. אויף שבת קודש פרשת וארא וועט דער רבי אנקומען קיין בני ברק, וואו די תפילות און טישן וועלן פארקומען אינעם גרויסן אודיטוריום אין רמת אלחנן.
