היינט קומט פאר די שמחת התנאים פון א אייניקל ביי כ"ק אדמו"ר משאץ שליט"א פון ב"ב, די חתן א זון פון זיין זון הגה"צ ר' שלום אלעזר מאסקאוויטש שליט"א, מיט די כלה א טאכטער פון הגה"צ ר' ישראל יצחק שטאקהאמער שליט"א, זון פון כ"ק אדמו"ר מקאמארנא רמת שלמה שליט"א, און איידעם ביי הרב החסיד ר' אברהם לורינץ שליט"א גבאי ביהמ"ד הגדול אוסטען אין אנטווערפן. – די שמחה קומט פאר אין קאמארנא בית המדרש אין בית שמש.
עס איז געשלאסן געווארן די שידוך פונעם חתן א זון פון כ"ק אדמו"ר מאסטראוו קאלושין ירושלים שליט"א, איידעם ביי כ"ק אדמו"ר מטאלנא שליט"א, מיט די כלה א טאכטער פון הגה"צ ר' פנחס ארנסטר שליט"א, זון פון הגה"צ ר' אליעזר ארנסטר שליט"א אבד"ק מאור חיים צפת, און איידעם ביי הגה"צ ר' חיים היילפערין שליט"א אבד"ק דברי חיים גאלדערסגרין.
עס איז געשלאסן געווארן די שידוך פונעם חתן א זון פון הגה"צ ר' צבי הירש אייכענשטיין שליט"א, זון פון כ"ק אדמו"ר מטריסק שליט"א פון ירושלים, און איידעם ביי כ"ק אדמו"ר מסאדיגורא זצ"ל בעל עטרת ישראל, מיט די כלה א טאכטער פון הגה"צ ר' חיים מיכאל ביבערפעלד שליט"א אבד"ק טשארטקוב לאנדאן, איידעם ביי כ"ק אדמו"ר מליעזש זצ"ל.
היינט כ' תמוז געפאלט די יומא דהילולא קדישא פון כ"ק אדמו"ר מסערט וויזניץ זצ"ל בעל חכמת אליעזר, בנו ממלא מקומו כ"ק אדמו"ר מסערט וויזניץ שליט"א וועט ארויפגיין צום ציון הק' אויפן וויזניצע בית החיים אין בני ברק היינט פארנאכטס בראש קהל חסידיו.
חתנו כ"ק אדמו"ר מקוסוב וויזניץ שליט"א וועט ארויפגיין צום ציון הק' היינט נאכמיטאג בראש קהל חסידיו.
היינט נאכט כ"א תמוז געפאלט די יומא דהילולא קדישא פון הרה"ק רבי אברהם מתתיהו משטעפינעשט זי"ע, די צענטראלע סעודת הילולא אין שפיץ פון אדמורי"ם ורבנים קומט פאר אין די סטריקובער זאל אין בני ברק, פילע אידן וועלן פוקד זיין דעם ציון הק' אויפן בית החיים נחלת יצחק אין גבעתיים.
כ"ק אדמו"ר מבלאזוב ריבאטיטש שליט"א וועלכער האט זיך אויפגעהאלטן די לעצטע צוויי וואכן אין ארץ ישראל, לרגל די יומא דהילולא קדישא פון אביו כ"ק אדמו"ר מבלאזוב זצ"ל, קערט זיך היינט צוריק למעון קדשו אין בארא פארק.
היינט קומט פאר אן עצרת הספד חיזוק והתעוררות אין ביהמ"ד טשערנאביל אין ירושלים, ככלות השבעה צו די טראגישע פטירה פון האברך החשוב ר' עקיבא ראנד ז"ל מחשובי האברכים אין די קהילה, עס וועלן אויפטרעטן הגה"צ המשפיע ר' אלימלך בידערמאן שליט"א מלעלוב, דער שווער הגה"צ ר' יוסף מרדכי ווייס שליט"א רב דקהל מחזיקי הדת אין ציריך שווייץ, און דער פעטער הגה"צ ר' חיים ווייס שליט"א גאב"ד ביתר.
אריינצושיקן מודעות און נייעס, שיקט אן אימעיל צו NEWS@JDNMAIL.COM
