היינט קומט פאר די גרויסע מעמד הנחת אבן הפינה פארן נייעם ביהמ"ד הגדול מרכז העולמי דחסידי אלכסנדר, עס קומט פאר אויפן שטח הבניה על פני רחוב אחיעזר אין בני ברק, אין שפיץ פון כ"ק אדמו"ר מאלכסנדר שליט"א.
שמחת בית תולדות אברהם יצחק – קרעטשניף – לעלוב: עס איז געשלאסן געווארן די שידוך פון א אייניקל ביי כ"ק אדמו"ר מתולדות אברהם יצחק שליט"א, די כלה א טאכטער פון זיין יונגסטן זון הגה"צ ר' בעריש קאהן שליט"א, איידעם ביי כ"ק אדמו"ר מקרעטשניף שליט"א, מיט די חתן א זון פון הגה"צ ר' יוחנן שטערן שליט"א, זון פון הגה"צ אבד"ק ראחמיסטריווקא ב"ב שליט"א, און איידעם ביי כ"ק אדמו"ר מלעלוב שליט"א פון ב"ב.
עס איז געשלאסן געווארן די שידוך פון א אייניקל ביי כ"ק אדמו"ר מנדבורנא באניא שליט"א, די כלה א טאכטער פון זיין זון הגה"צ ר' שלמה זלמן לייפער שליט"א אב"ד קהל חסידים רמה ד' בית שמש, איידעם ביי הגה"צ אבד"ק סערדאהעלי בית שמש שליט"א, מיט די חתן א זון פון הגה"צ ר' יעקב יצחק ראבינאוויטש שליט"א, זון פון הגה"צ ר' דוב בער ראבינאוויטש שליט"א רב חסידי באיאן אין ביתר, און איידעם ביי הגה"צ גאב"ד עתלית שליט"א.
היינט קומט פאר די שמחת הברית פון א אור אייניקל ביי כ"ק אדמו"ר מסקווירא שליט"א, אייניקל פון זיין איידעם כ"ק אדמו"ר מראחמיסטריווקא שליט"א פון מאנסי, בן הנולד ביי זיין איידעם הרב צבי אלימלך טווערסקי שליט"א, זון פון הגה"צ ר' חיים יצחק טווערסקי זצ"ל מלויעוו טשערנאביל. – די שמחה קומט פאר אין ראחמיסטריווקא ביהמ"ד אויף האופעל לעין אין מאנסי.
היינט נאכט כ"ב תמוז געפאלט די יומא דהילולא קדישא פון הרה"ק רבי שלמה מקארלין זי"ע, פילע אידן קומען אן צום שטאט לודמיר אין אוקראינע צו פוקד זיין דעם ציון הק' בעצם יומא דהילולא קדישא, כ"ק האדמורי"ם שליט"א לבית קארלין סטאלין, לוצק, פינסק קארלין, און נאך פילע אדמורי"ם ורבנים, וועלן אפרעכטן די יארצייט טישן ברוב עם.
היינט כ"א תמוז געפאלט די יומא דהילולא קדישא פון הרה"ק בעל פקודת אלעזר מפאלטישאן זצ"ל, נכדו כ"ק אדמו"ר מפאלטישאן שליט"א וועט אפרעכטן די יארצייט טיש בבית מדרשו אין בארא פארק.
כ"ק אדמו"ר מקוידינוב שליט"א וועט היינט פארנאכטס אפרעכטן די יארצייט טיש לרגל די הילולא קדישא פון הרה"ק רבי נחמיה מקוידינוב זצ"ל, און לרגל די הילולא קדישא פון הרה"ק רבי שלמה מקארלין זי"ע, בבית מדרשו אויף רחוב מהרש"ל אין בני ברק.
כ"ק אדמו"ר משאץ וויזניץ שליט"א וועלכער האט זיך אויפגעהאלטן די לעצטע וואך צייט אין לאנדאן לטובת מוסדותיו הקדושים, קערט זיך היינט צוריק למעון קדשו אין ארץ ישראל.
ניחום אבלים:
כ"ק אדמו"ר מנדבורנא שליט"א פון ב"פ זיצט שבעה די טעג נאך די פטירה פון זיין עלטערן שוועסטער הרבנית לייפער ע"ה, אשת הרה"צ רבי ישראל חיים לייפער זצ"ל מבישטינא, בביתו נאוה קודש אויף די דריי און פופציגסטע סטריט אין בארא פארק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
